මෙරටට රුසියානු සහ යුක්‍රේන සංචාරකයන් ගෙන්වා ගැනීම උදෙසා වන සංචාරක ප්‍රවර්ධන කටයුතු ඊයේ (06) දින ඇරඹූ බව සංචාරක අමාත්‍යාංශය කියා සිටිනවා.
ඒ අනුව, රුසියානු මාධ්‍යවේදීන් හා සංචාරක සංවිධාන ආයතන නියෝජිතයින් අතරත්, ශ්‍රී ලංකාවේ සංචාරක සංවිධාන නියෝජිතයින් අතරත් සාකච්ඡාවක් ඊයේ රුසියාවේ දී පැවති බවයි අමාත්‍යාංශය පවසන්නේ.
කොරෝනා වසංගතය හේතුවෙන් අර්බුදයකට මුහුණ දෙමින් ඇති මෙරට සංචාරක ව්‍යාපාරය නගාසිටුවීම සඳහා රජය ගෙනයන වැඩපිළිවෙල යටතේ මෙම වැඩසටහන් ක්‍රියාත්මක වන අතර ශ්‍රී ලංකාව ආකර්ෂණීය සංචාරක ගමනාන්තයක් බව සංචාරකයින්ට පෙන්වා දීම සඳහා මෙරට සංචාරක ස්ථානවල ඡායාරූප ඇතුළත් ප්‍රදර්ශනයක් ද රුසියාවේදී දී පැවැත්වේ.
මෙවැනිම සංචාරක ප්‍රවර්ධන වැඩසටහනක් යුක්රේනයේ දී ද ක්‍රියාත්මකකෙරෙන බවයි සංචාරක අමාත්‍යාංශය කියා සිටින්නේ.
ඉකුත් කාලයේ සංචාරකයින්ගේ පැමිණීම අනුවවැඩිම සංචාරකයින් ප්‍රමාණයක් පැමිණි රටවල් 10 අතරට රුසියාව සහ යුක්රේනය ඇතුළත් වේ.
