රත්ගම පොලිස් විශේෂ කාර්ය බළකායේ නිලධාරීන් විසින් වෙනිවැල්ගැට අලෙවි කිරීමට සූදානමෙන් සිටි සැකකරුවන් දෙදෙනෙක්ව අත්අඩංගුවට ගෙන තිබේ.
පිටිගල ප්රදේශයේ බඹරවාන රක්ෂිතයෙන් නිතිවිරෝධි ලෙස කපන ලද වෙනිවැල්ගැට කිලෝ 800 ක් අලෙවි කිරීමට සුදානම්කර තිබූ අවස්ථාවේදී මෙලෙස ඔවුන්ව අත්අඩංගුවට ගෙන ඇති අතර පසුව ඔවුන්ව පිටිගල පොලීසියට භාරදී තිබුණි.
බඹරවාන රක්ෂිතයෙන් කපනලද වෙනිවැල්ගැට ඔවුන්ගේ නිවෙස්වල සඟවා තිබිය දී උපායදුතයකු යොදවා අත්අඩංගුවට ගෙන ඇති අතර අත්අඩංගුවට ගෙන ඇත්තේ මත්තක, මාරක්ගොඩ, රබුක්කාවිට පදිංචිකරුවෙකු හා මනම්පිට, තල්ගස්වල පදිංචි පුද්ගලයෙකු බවයි පැවසෙන්නේ.