හයිටි ජනාධිපති ජොවනල් මොයිස් ඝාතනයට සම්බන්ධ බවට චෝදනා එල්ල වී සිටින එරට අගමැති ඒරියල් හෙන්රි වෙත රටින් පිටවීම තහනම් කර ඇතැයි වාර්තා වේ.
ඝාතනයේ ප්‍රධාන සැකකරුවෙකු වන ජෝශප් ෆීලික්ස් බැඩියෝ සමඟ ඔහුගේ සබඳතා පැහැදිලි කරන ලෙස ඉල්ලමින් අගමැති හෙන්රිට එරෙහිව මේ වන විට නඩුවක් ගොනු කර ඇති බව සඳහන් වෙයි.
ඝාතනයන් සිදුවී පැය කිහිපයකට පසු මෙම පුද්ගලයින් දෙදෙනා අතර දුරකථන ඇමතුම් කිහිපයක් හුවමාරු වී ඇතැයි වාර්තා වල සඳහන් වන බව නඩු පවරන්නන් පවසා තිබේ.
ජුලි 7 දා හයිටියේ හිටපු ජනපති ජොවනල් මොයිස් මහතා නිවසේදී ඝාතනය කෙරිණි.
පෝට්-ඕ-ප්‍රින්ස් අගනුවර තදාසන්න ප්‍රදේශයක පිහිටි ඔහුගේ පෞද්ගලික නිවසට කඩා වැදුණු නාඳුනන තුවක්කුකරුවන් පිරිසක් ඔහු වෙඩි තබා ඝාතනය කරන ලදී.
ඔහුගේ මරණය හේතුවෙන් දේශපාලන අර්බුදයක් ඇති වූ අතර ඊට මාසයකට පෙර ඇති වූ විශාල භූමිකම්පාවකින් ද හයිටියට දැවැන්ත පහරක් එල්ල විය.
