තමා ඉල්ලා අස්වූයේ රැල්ලට නොවන බව මහචාර්‍ය නලින් ද සිල්වා පවසනවා.
සිය ෆේස්බුක් ගිණුමේ සටහනක් තබමින් ඔහු පවසන්නේ ඉල්ලා අස්වීමේ රැල්ලක් මතුව ඇති නමුත් තමාගේ ඉල්ලා අස්වීම රැල්ලට සිදු නොවූ බවත් කිසිඳු හිත් රිදීමක් ද ඊට පාදන නොවූ බවත් ය.
පසුගිය කාලයේ තමාට කොවිඩ් ආසාදනය වී සිටීම නිසා එම තත්වයත් සමඟ තමාට මියන්මාරයේ වැඩකටයුතු කිරීම අපහසු හෙයින් තමා ඉල්ලා අස්වූ බවයි ඔහු අවධාරණය කර සිටින්නේ
මහාචාර්ය නලින් ද සිල්වා ශ්‍රී ලාංකික සෛද්ධාන්තික භෞතික විද්‍යාඥයෙක්, දාර්ශනිකයෙක් සහ දේශපාලන විශ්ලේෂකයෙකි. කැලණිය විශ්ව විද්‍යාලයේ ගණිත අධ්‍යයන අංශයේ මහාචාර්යවරයකු ලෙසද විද්‍යා පීඨයේ පීඨාධිපති ලෙසද කටයුතු කළ ඔහු පසුගියදා ඉල්ලා අස්වන තෙක් මියන්මාරයේ ශ්‍රී ලංකා තානාපතිවරයා ලෙස කටයුතු කළා.
