සිසුන් සඳහා මාර්ග ගත ක්රමයට ඉගැන්වීමේ කටයුතු සිදුකරන ගුරුවරුන්ට මාර්ගගත ඉගැන්වීමේ කටයුතුවල නොයෙදෙන ලෙස කිසියම් පාර්ශවයක් හෝ පුද්ගලයෙකු තර්ජනය කළහොත් සෘජුවම අපරාධ පරීක්ෂණ දෙපාර්තමේන්තුවට පැමිණිලි කළ හැකි බව පොලිස් මූලස්ථානය නිවේදනය කරනවා.
එම නිවේදනයේ දැක්වේන්නේ 119 හදිසි ඇමතුම් අංකයට හෝ ළඟම ඇති පොලිස් ස්ථානයට මීට අදාළ පැමිණිලි ඉදිරිපත් කළ හැකි බවයි.
එවැනි පැමිණිලි සම්බන්ධයෙන් කඩිනමින් නීතිය ක්රියාත්මක කරන ලෙස මහජන ආරක්ෂක ඇමතිවරයා විසින් පොලිස්පතිවරයාට සහ අපරාධ පරීක්ෂණ දෙපාර්තමේන්තුව භාර නියෝජ්ය පොලිස්පතිවරයාට උපදෙස් ලබා දී ඇති බව නිවේදනයේ සදහන්.