තමන් පසුගිය 12 වනදා වැලිකඩ සහ අනුරාධපුර බන්ධනාගාරවලට ගිය නමුත් එම බන්ධනාගාර තුළට කාන්තාවක් හෝ මිතුරන් ගෙනයාමක් සිදු නොවූ බව රාජ්‍ය අමාත්‍ය ලොහාන් රත්වත්තේ මහතා පවසනවා.
එමෙන්ම වැලිකඩ බන්ධනාගාරයේ එල්ලුම්ගස පරික්ෂා කිරීමට ගිය නමුත් එම අවස්ථාවේ බීමතින් නොසිටි බවත් එය බැලීමට තමන් සමඟ කිසිදු මිතුරෙකු හෝ කාන්තාවක නොගිය බවද අමාත්‍යවරයා සදහන් කරනවා.
එය ස්ථානයට ගිය බවට රූ රැජිණකගේ නමක් සඳහන් වුවද එවැයි අයෙක් තමන් හදුනන්නේවත් නැති බව රාජ්‍ය අමාත්‍යවරයා පැවසුවේ යැයි දිනමිණ පුවත්පත වාර්තා කරනවා.
තමන් අනුරාධපුර බන්ධනාගාරයේද පසුගිය 12 වනදා නිරීක්ෂණ චාරිකාවක නිරත වූ බවත් එහිදී බන්ධනාගාරය තුළට පිස්තෝලයක් තබා ජංගම දුරකථනය හෝ රැගෙන නොගිය බව අමාත්‍යවරයා සදහන් කරනවා.
බන්ධනාගාරයකට ගොස් සිරකරුවන්ගේ හිසට පිස්තෝල තබා තර්ජනය කිරීමට තරම් තමන් මෝඩයෙකු නොවන බවද රාජ්‍ය අමාත්‍යවරයා පෙන්වා දෙනවා.
ජිනීවා සමුළුව පවතින වේලාවක් තුළ දෙමළ ඩයස්පෝරාව තමන්ට එල්ල කළ ප්‍රහාරයක් ලෙස මෙය සළකන බවයි ලොහාන් රත්වත්තේ මහතා වැඩිදුරටත් සදහන් කරන්නේ.
