වයස අවුරුදු 18 ට අඩු ළමයින් සඳහා මරණීය දණ්ඩනය ක්‍රියාත්මක කිරීම අත් හිටුවමින් පාර්ලිමේන්තුවට නව සංශෝධනයක් ඉදිරිපත් කිරීමට බලාපොරොත්තු වන බව අධිකරණ අමාත්‍ය අලි සබ්රි මහතා පවසනවා.
යම් අපරාධයක් සිදු කරන අවස්ථාවේදී යමෙකුගේ වයස අවුරුදු 18 ට අඩු නම් අදාල පුද්ගලයාට එරෙහිව මරණ දණ්ඩනය නියම කිරීම හෝ ක්‍රියාත්මක කිරීම නොකළ යුතු බවටත් ඒ වෙනුවට වෙනත් සුදුසු දඬුවමක් ලබා දිය යුතු බවටත් දණ්ඩ නීති සංග්‍රහයට එක් කෙරෙන මෙම නව සංශෝධනය මගින් නියම කෙරෙන බවයි ඇමැතිවරයා පවසන්නේ.
එමෙන්ම, විශේෂ කමිටුවක් විසින් මේ සම්බන්ධයෙන් කරුණු සොයා බලා ගනු ලැබූ තීරණයක් අනුව අදාල සංශෝධනය ඉදිරිපත් කෙරෙන බවත් ඔහු අවධාරණය කර සිටිනවා.
