කෝපිකඩේ ටෙලිකතා මාලාවේ ‘සෝමදාස’ගේ චරිතයට පණ පෙවූ තිලක් කුමාර රත්නායක මහතා එම චරිතයෙන් ඉවත් වීමට තීරණය කර තිබෙනවා.
ගුරුවරුන්ට දැඩි ලෙස අපහාස කරමින් විකාශය වූ කෝපිකඩේ කථාංගයෙන් පසුව, තමන් වසර 35ක් පුරාවට රංගනයෙන් දායකත්වය සැපයූ එම චරිතයෙන් ඉවත් වීමට තීරණය කළ බවයි සමාජ මාධ්‍ය වෙත වීඩියෝවක් එක් කරමින් ඔහු පවසා සිටියේ.
ගුරුවරුන් කසිප්පු වලට සහ බත් පැකට් වලට උද්ඝෝෂණය කරන්නන් මෙන් හුවා දක්වමින් විකාශය වූ එම කථාංගයේ පිටපත පිටපත් සමීක්ෂණ මණ්ඩලයටවත් ඉදිරිපත් නොකොට අධ්‍යක්ෂකවරයාගේ කැමැත්ත මත නිර්මාණය කර රෑගත කළ එකක් බවට තමන් විශ්වාස කරන බවත් ඔහු පවසා සිටිනවා.
කලක පටන් ‘කෝපිකඩේ’ දේශපාලනීකරණය වන අයුරු තමන් නිරීක්ෂණය කළ බවත්, එබැවින් තමන් මෙම තීරණය ගත් බවත් වැඩිදුරටත් තිලක් කුමාර රත්නායක මහතා පවසනවා.
