ලබන වසර සඳහා වන අයවැය විසර්ජන පනත් කෙටුම්පත මුදල් ඇමැති බැසිල් රාජපක්ෂ මහතා විසින් අද (27) කැබිනට් මණ්ඩලයට ඉදිරිපත් කිරීමට නියමිත බව වාර්තාවනවා.
විසර්ජන පනත් කෙටුම්පතට අනුව ලබන වසරේ අයවැය හිඟය පියවා ගැනීම සඳහා දේශීය හා විදේශීය මූලාශ්ර වලින් රුපියල් කෝටි තුන්ලක්ෂ දහඅට දහස් හාරසියයක ණය ලබා ගැනීමට රජය අපේක්ෂා කරයි.
ඒ අනුව අද කැබිනට් මණ්ඩලයට ඉදිරිපත් කිරීමට නියමිත විසර්ජන පනත් කෙටුම්පත සමග අයවැය හිඟය පියවා ගැනීම සඳහා ණය ලබා ගැනීම් යෝජනාව ද ඉදිරිපත් කරනු ඇතියි.
ලබන වසරේ සමස්ත පුනරාවර්තන වියදම රුපියල් කෝටි දෙලක්ෂ අසූ හත් දහස් අටසියයක් පමණ වන බවටද , ප්රාග්ධන වියදම රුපියල් රුපියල් කෝටි දෙලක්ෂ පනස් පන්දහසක් පමණ වනු ඇතැයිද ගණන් බලා ඇත.
ඒ අනුව ලබන වසරේ රජයේ සමස්ත වියදම රුපියල් කෝටි පන්ලක්ෂ දහ තුන් දහස් හාරසියයක් පමණ වනු ඇතැයි ඇස්තමේන්තු කර තිබේ.
එබැවින් රජයේ වියදමට වඩා ආදායම අඩු වීම හේතුවෙන් මෙම ණය මුදල් ලබා ගැනීම් සඳහා ආණ්ඩුවේ අවධානය යොමු වී ඇතැයි වාර්තා වේ.