ශ්රී ලංකාවේ දිනපතා ආහාර මෙට්රික් ටොන් 5000ක් කසළ ලෙස බැහැර කරන බව පරිසර අමාත්ය මහින්ද අමරවීර මහතා පවසනවා.
ඒ, ඊයේ (29) ආහාර අපතේ යාම සහ ආහාර අපද්රව්ය අවම කිරීම පිළිබද ජාත්යන්තර දැනුවත් කිරීමේ දිනයට සමගාමීව පරිසර අමාත්යාංශයේ පැවති වැඩසටහනකට එක්වෙමින්.
මෙරට තුල පමණක් නොව ගෝලීයවද වසරකට ටොන් බිලියන 1.3ක ආහාර ප්රමාණයක් ප්රයෝජනයක් නො ගෙන අපතේ යන බවද එය ගෝලීයව නිෂ්පාදනය කරන ආහාරවලින් තුනෙන් එකක් පමණ බවද ලෝක ආහාර හා කෘෂිකාර්මික සංවිධානය පවසන බවයි අමාත්යවරයා පෙන්වා දෙන්නේ.
එමෙන්ම දේශීය ආහාර භෝග නිෂ්පාදනයෙන් 40%ක් අපතේ යන බවත් මෙය රටට අහිතකර මෙන්ම විශාල ආර්ථික අලාභයක් ද වන බවයි පරිසර අමාත්ය මහින්ද අමරවීර මහතා පවසන්නේ.