දරුවන් සම්බන්ධ නඩු විභාග කිරීම සඳහා විශේෂ අධිකරණයක් ස්ථාපිත කිරීමට අවශ්ය කටයුතු සැලසුම් කරමින් සිටින බව අධිකරණ අමාත්ය අලි සබ්රි මහතා පවසනවා.
ඔහු වැඩිදුරටත් පැවසුවේ ළමුන් සම්බන්ධ නඩු කඩිනමින් විභාග කිරීම එහි අපෙක්ෂාව වන බවයි.
එසේම දරුවන් සම්බන්ධ නීතී රැසක් සංශෝධනය කිරීමට ද පියවර ගනිමින් සිටින බව අධිකරණ අමාත්යවරයා පවසනවා.
“අපි විවිධ පාර්ශවයන් එකතු කරගෙන දරුවන් සම්බන්ධයෙන් පවතින නීතිමය තත්ත්වය වැඩිදියුණු කිරීමට කටයුතු කරනවා. එමඟින් අපි බලාපොරොත්තු වෙන්නේ දරුවන් සම්බන්ධයෙන් පවතින නඩු වඩා ප්රගතිශීලි පරිසරයක දරුවන්ටම වෙන්වු උසාවියක සිට සාක්ෂි දීමේ ක්රමවේදයක්, ඒ නඩු හඳුනාගෙන ඉක්මනින් ඉවර කිරීමේ ක්රමවේදයක් සකස් කිරීමටයි. පොදුවේ ලංකාව තුළ දරුවන් සම්බන්ධයෙන් වු නීතියේ විශාල ප්රතිසංස්කරණ රාශියක් සිදුකරගෙන යනවා. අවුරුදු 18ට වඩා අඩු ළමයින්ට මරණ දඬුවම දීම අපි නීතියෙන් වෙනස් කරලා තියෙනවා.ඒ ඇරුණම ළමා විවාහ සම්පූර්ණයෙන්ම මේ රටේ තුරන් කිරීම සඳහා අදාළ නීති ප්රතිසංස්කරණ ගෙන යමින් පවතිනවා.” යැයි ඔහු සඳහන් කළා.