චීනයේ ෂින්ජියෑන්ග් ප්‍රාන්තයේ සිදුවන මානව හිමිකම් උල්ලංඝනය කිරීම්වලට එරෙහිව දෙදහසකට අධික පිරිසක් ප්‍රංශයේ පැරිස් අගනුවරදී විරෝධතාවයක නිරත වූහ.
විදෙස් මාධ්‍ය වාර්තා කළේ ලෝක උයිගුර් කොංග්‍රසය, යුරෝපයේ උයිගුර් ආයතනය ඇතුළු උයිගුර් ප්‍රජාවට සම්බන්ධ සංවිධාන ගණනාවක් එක්ව මෙම විරෝධතා ව්‍යාපාරය සංවිධානය කර තිබූ බවයි.
යුරෝපයේ විවිධ රටවලින් පැමිණි උයිගුර් ජනවර්ගයට අයත් පිරිස් මෙන්ම යුරෝපයේ මානව හිමිකම් ක්‍රියාකාරිකයන් රැසක් ද මෙම විරෝධතා ව්‍යාපාරයට සම්බන්ධ වී සිටි බව විදෙස් මාධ්‍ය සදහන් කරයි.
චීනය ෂින්ජියෑන්ග් පළාතේ උයිගුර් ජනවර්ගයට එරෙහිව සිදුකරන මානව හිමිකම් උල්ලංඝණය කිරීම්වලට එරෙහිව අන්තර් ජාතික පරීක්ෂණයක් සිදුකරන ලෙස විරෝධතාකරැවෝ මෙහිදී අවධාරණය කළහ.
මෙම තත්වයට විරෝධයපෑමක් ලෙස යුරෝපා සංගමය චීනය සමග අත්සන් තබා ඇති ගිවිසුම් අහෝසි කරන ලෙසත් 2022 බෙයිජිං හි පැවැත්වෙන ශීත සෘතු ඔලිම්පික් උළෙළ වර්ජනය කරන ලෙසත් විරෝධතාකරැවෝ මෙහිදී යුරෝපා සංගමයේ රටවලින් ඉල්ලා සිටියහ.
