ධුරයෙන් ඉල්ලා අස්වැන්නැයි පකිස්තාන විපක්ෂයේ ප්රධාන පක්ෂය වන මුස්ලිම් ලීගය අගමැති ඉම්රාන් ඛාන්ට අවධාරණය කර තිබේ.
මුස්ලිම් ලීගයේ මහලේකම් අසන් ඉක්බාල් මේ බව සදහන් කර ඇත්තේ ලොව පුරා දූෂණ වංචාවන්ට සම්බන්ධ තොරතුරු හෙළිකළ පැන්ඩෝරා පත්රිකා මගින් අගමැති ඉම්රාන් ඛාන්ට සබදතා ඇති සිදුවීමක් ද දක්වා තිබීම හේතුවෙනි.
අගමැති ඉම්රාන් ඛාන්ගේ නම අදාළ දූෂණ සිදුවීම්වලට ගෑවි තිබීම හේතුවෙන් ඔහුට තවදුරටත් එම දුරයේ රැදී සිටීමට සදාචාරමය අයිතියක් නැති බව පකිස්තාන විපක්ෂයේ මතය වී තිබේ.
අගමැති ඉම්රාන් ඛාන්ට අමතරව ඔහුගේ ආණ්ඩුවේ මුදල් අමාත්ය ෂාකුට් අහමඩ් සහ පවුලේ සාමාජිකයන් මෙන්ම ආණ්ඩුවට සම්බන්ධ තවත් විශාල පිරිසකගේ නම් මෙම පැන්ඩෝරා පත්රිකාවල සදහන් වන බව පකිස්තාන විපක්ෂය පෙන්වා දී තිබේ.
විවිධ තරාතිරම්වල අයථා ගනුදෙනුවලට සම්බන්ධ පකිස්තාන ජාතිකයන් 700 කගේ පමණ නම් මෙම පත්රිකාවල ඇතුළත්වන බව විදෙස් මාධ්ය වාර්තාවල දැක්වේ.