ගෘහස්ත ගෑස් සිලින්ඩරයක මිල අසාමාන්ය ලෙස ඉහළ දැමීමත් සමඟ පිටකොටුව ඇතුළු ජනාකීර්ණ නගරවල වෙළඳසැල්වලින් භූමිතෙල් ලිප් මිලදී ගැනීම ඉහළ ගොස් ඇති බවට තොරතුරු වාර්තා වනවා.
මේ වන විට පවත්නා ඉල්ලුමත් සමඟ එම ලිප්වල මිල ගණන්ද ඉහළ දමා ඇති බවටයි පාරිභෝගිකයින් චෝදනා කරන්නේ.
පිටකොටුව එක්සත් ජාතික ස්වයං රැකියා වෙළඳ ව්යාපාරිකයින්ගේ සංගමයේ සභාපති ප්රදීප් චාර්ල්ස් මහතා පවසන්නේ ගෑස් මිල ඉහළ දැමීමත් සමග භූමිතෙල් ලිප් මිලදී ගැනීමට පාරිභෝගිකයින් පෙළඹී ඇති බවයි.
මේ හේතුවෙන් එම ලිප් සඳහා පවතින ඉල්ලුම ඉහළ ගොස් ඇති බවත්, එමෙන්ම විදුලි උදුන්ද වැඩියෙන් අලෙවි වන බවත් ඔහු පවසනවා.
මේ අතර මේ වන විට අන්තර්ජාලය ඔස්සේ දර මිටි අලෙවි කිරීමේ ව්යාපාරිකයන්ද බිහිවී තිබෙනවා.
රුපියල් 100 සිට අලෙවි වන මෙම දරමිටි අන්තර්ජාලය ඔස්සේ ඇණවුම් කළ පසුව ඕනෑම ස්ථානයකට ප්රවාහනය කරන බවට එම දැන්වීම්වල සදහන් කර ඇති බව දැකිය හැකියි.