1950 වසරේ මහ බැංකුව පිහිටුවීමෙන් පසුව ඉතිහාසයේ ප්‍රථමවරට ශ්‍රී ලංකා මහ බැංකුව සතු ශුද්ධ විදේශ වත්කම් සෘණ මට්ටමක් දක්වා පහත ගොස් ඇති බව සමගි ජනබලවේගයේ පාර්ලිමේන්තු මන්ත්‍රී පාඨලී චම්පික රණවක මහතා පසුගිය දා කියා පවසන ලදි.
දේශීය බැංකු පද්ධතිය සතු ශුද්ධ විදේශ වත්කම් ප්‍රමාණය පවතින්නේ එක්සත් ජනපද ඩොලර් බිලියන -3.5 මට්ටමක බවයි එහිදී වැඩිදුරටත් මන්ත්‍රීවරයා පැවසුවේ
රටේ නිල සංචිත ප්‍රමාණයද පසුගිය වසර 11 ක කාලය තුළ අවම අගය වාර්තා කර ඇති බවත් ඔහු පවසනවා.
මේ සම්බන්ධයෙන් අද (14) පැවති මාධ්‍ය හමුවකදී ශ්‍රී ලංකා මහ බැංකු අධිපති අජිත් නිවාඩ් කබ්රාල් මහතාගෙන් මාධ්‍යවේදීන් විසින් විමසා සිටීමේදී ඔහු පැවසුවේ ශුද්ධ විදේශ වත්කම්, සෘණ අගයයක් ගත් පළමු අවස්ථාව මෙය නොවන බවයි.
මෑත ඉතිහාසයේ අවස්ථා 15කදී ශුද්ධ විදේශ වත්කම් සෘණ අගයයක් ගෙනඇති බවත් මෙය තාවකාලික තත්ත්වයක් බවත් ඔහු පවසනවා.
“මෙය එක් ගනුදෙනුවකින් අනෙක් පැත්ත හැරෙන්නට පුළුවන්. අපි මීළඟ සති කිහිපයේ දී එක swap හුවමාරුවක් කළොත් සමස්ත තත්ත්වය සම්පූර්ණයෙන්ම වෙනස්වනවා. ඇතැම් විට මේ සම්බන්ධයෙන් පළවන කරුණු නොමඟ යවනසුළුයි“, යැයි ඔහු පවසා සිටිනවා.
