සෞඛ්‍ය අමාත්‍යංශයෙන් මෙතෙක් අවසර නොලැබීම හේතුවෙන් අන්තර් පළාත් බස් ධාවනය ආරම්භ කිරීම තවදුරටත් ප්‍රමාද වනු ඇති බව වාහන නියාමනය, බස් රථ ප්‍රවාහන සේවා හා දුම්රිය මැදිරි හා මෝටර් රථ කර්මාන්ත රාජ්‍ය අමාත්‍ය සහ ප්‍රජා පොලිස් සේවා රාජ්‍ය අමාත්‍ය දිලුම් අමුණුගම මහතා පවසනවා.
පළාත් සංචරණ සීමා පැවතුනද සීමිත බස් රථ සංඛ්‍යාවක් හෝ පළාත් අතර ධාවනය කිරීමට පියවර ගන්නා බව ඔහු මීට පෙර අවස්ථාවකදී පවසා සිටියා. ඒ අත්‍යවශ්‍ය සේවාවන් වලට අදාල පුද්ගලයන් ප්‍රවාහනය කරන ඇතැම් බස් රථ මගින් විශාල මුදලක් ඊට අයකරන බවට පැමිණිලි ලැබීම හේතුවෙන්.
කෙසේනමුත්, සෞඛ්‍ය සේවයේ නිර්දේශද සැලකිල්ලට ගෙන අන්තර් පළාත් බස් රථ ධාවනය ආරම්භ කිරීම තවදුරටත් කල් දැමීමටත් දුම්රිය ධාවනය ආරම්භ කිරීම සම්බන්ධයෙන් තීරණයක් ගැනීම කල් දැමීමටත් ප්‍රවාහන බලධාරීන් තීරණය කර ඇති බව රාජ්‍ය අමාත්‍යවරයා පවසා සිටියා.
