චීනයේ එක් තීරයක් එක් මාවතක් වැඩසටහන යටතේ ජකර්තා අගනුවර සිට බැන්ඩුන් දක්වා ඉදිකෙරෙන අධිවේගී දුම්රිය මාර්ගයේ ඇස්තමේන්තු ගත මුදල ඉක්මවා යාම නිසා අදාළ මුදල ගෙවීමට ඉන්දුනීසියාවට තම රටේ මුදල් වියදම් කිරීමට සිදුව ඇතැයි වාර්තා වේ.
විදෙස් මාධ්‍ය වාර්තා කළේ කිලෝමීටර් 143 ක් දුර මෙම දුම්රිය මාර්ගය ඉදිකිරීම සදහා ඩොලර් බිලියන 06.07 ක මුදලක් ඇස්තමේන්තු කර තිබුණද මේ වන විට එය ඩොලර් බිලියන 08 ක් දක්වා ඉහළ ගොස් ඇති බවයි.
2015 වර්ෂයේ ඉදිකිරීම් ආරම්භ කළ ව්‍යාපෘතිය 2020 දී අවසන්වීමට නියමිතව තිබුණත් මේ වනවිට එය 2022 දක්වා දීර්ඝ වී ඇති බව ද පැවසේ.
මේ හේතුවෙන් වැය වන අතිරේත මුදල් වැය කිරීමට සිදුව ඇත්තේ ඉන්දුනීසියානු රජයට බවත් එය රටේ ආර්ථිකයට විශාල පීඩනයක් ගෙනදී ඇති බවත් විදෙස් වාර්තාවල දැක්වේ.
