සිය රාජකීය තත්ත්වයන් සියල්ල අහිමි කරගනිමින් ජපානයේ මාකෝ කුමරිය ඇගේ විද්යාලයීය පෙම්වතා විවාහ කර ගෙන ඇතැයි විදෙස් මාධ්ය වාර්තා කර තිබෙනවා.
ඇයගේ අත ගත්තේ සාමන්ය පවුල් පසුබිමක් සහිත කී කුමුරෝ ය.
ජපන් නීතිය යටතේ අධිරාජ්යවාදී පවුල්වල කාන්තා සාමාජිකයන් සාමාන්ය කෙනෙකු සමඟ විවාහ වුවහොත් ඔවුන්ගේ රාජකීය තත්ත්වයන් සියල්ල අහිමි වී යන බවයි සඳහන් වෙන්නේ.
ඇය රාජකීය විවාහ මංගල්යයේ සාමාන්ය චාරිත්ර ද මඟ හැර ඇති අතර රාජකීය පවුලේ කාන්තාවන් පවුලෙන් වෙන් වූ පසු පිරිනමන ගෙවීමක් ද ප්රතික්ෂේප කර තිබෙනවා.
ඒ අනුව එම අවස්ථා දෙකම මඟ හැරුණු රාජකීය පවුලේ ප්රථම කාන්තාව ඇයයි.
මාකෝ කුමරිය සිය විවාහ ලියාපදිංචි කිරීම් සඳහා අඟහරුවාදා ඇගේ ටෝකියෝ නිවසින් පිටත් වූ අතර ඇගේ පියා වන ඔටුන්න හිමි ෆුමිහිතෝ කුමරුට සහ කිකෝ කුමරිය ඉදිරියේ කිහිප විටක්ම වැඳ වැටුණු බවත් ඇගේ සහෝදරයන් බොහෝ වේලවක් වැළඳ ගෙන සිටි බවයි මාධ්ය වාර්තාවල දැක්වෙන්නේ.
මාකෝ කුමරියගේ ආදර සම්බන්ධය රට තුළ ආන්දෝලන්යට තුඩු දුන් අතර වසර ගණනාවක් පුරා යුවළ වටා විශාල මාධ්ය ආවරණයක් පැවතීම නිසාම කුමරිය මානසික ආතති තත්ත්වයකින් ද පෙළුණු බව ඒ අතර සඳහන් වෙනවා.