ඓතිහාසික රුහුණු කතරගම මහා දේවාලය සතුව තිබූ පවුම් 38ක රන් තැටියක් සොරාගෙන ගොස් තිබෙනවා.
රන් පවුම් 38 ක පමණ බරින් යුත් මෙම රන් තැටිය 2019 වසරේදී කතරගම දේවාලයට භාරයක් ඔප්පු කිරීම සඳහා පැමිණි බැතිමතෙකු විසින් පූජාකළ එකක් බවයි පැවසෙන්නේ.
මීට සති දෙකකට පමණ පෙර සිදුවූ මෙම සොරකම සම්බන්ධයෙන් පරීක්ෂණයක් ආරම්භ කිරීම සඳහා කොළඹ අපරාධ කොට්ඨාශයේ විශේෂ පොලිස් කණ්ඩායමක් මේ වන විටත් කතරගම දේවාලය වෙත ගොස් තිබෙනවා.
