නව මහබැංකු අධිපති ලෙස පත්කළ හිටපු පාර්ලිමේන්තු මන්ත්‍රී අජිත් නිවාඩ් කබ්රාල් මහතා ශ්‍රී ලංකා මහ බැංකුවේ අධිපති ධූරයට පත්කිරීමේ තීරණය බලරහිත කරන ලෙස ඉල්ලා අභියාචනාධිකරණය වෙත ඉදිරිපත් කර තිබූ පෙත්සම විභාගයට නොගෙනම නිශ්ප්‍රභා කරන ලෙස අභියාචනාධිකරණය අද (03) නියෝග කළා.
දකුණු පළාත් හිටපු ආණ්ඩුකාර රජිත් කීර්ති තෙන්නකෝන් මහතා විසින් මෙම පෙත්සම පසුගිය සැප්තැම්බර් මස 14 වනදා ගොනුක‍ර තිබුණා.
පෙත්සම ඉදිරිපත් කරමින් කීර්ති තෙන්නකෝන් මහතා පෙන්වාදී තිබුණේ වෝහාරික විගණන වාර්තාවක් මගින් අපරාධ චෝදනා එල්ලවී ඇති පුද්ගලයෙකු මහබැංකු අධිපති ලෙස පත්කිරීම නීති විරෝධී බවයි.
ඔහු නැවත වරක් මහ බැංකු අධිපති ලෙස පත්වුවහොත් ඊට අදාළ සාක්ෂි විනාශ විය හැකි බැවින් මෙම තනතුරින් ඔහු ඉවත්කර වහාම අත්අඩංගුවට ගන්නා ලෙසද කීර්ති තෙන්නකෝන් මහතා ඉල්ලා සිටියා.
