සහල්, සීනි සහ අනෙකුත් පාරිභෝගික භාණ්ඩ වැනි අත්‍යවශ්‍ය භාණ්ඩ අඛණ්ඩව සැපයීම සහතික කිරීම සඳහා සති කිහිපයකට පෙර පැනවූ හදිසි රෙගුලාසි අවලංගු කිරීමට රජය අවසර දී තිබේ. මේ හේතුවෙන් මේජර් ජෙනරාල් එම් ඩී එස් පී නිවුන්හැල්ල මහතා දැරූ අත්‍යාවශ්‍ය සේවා කොමසාරිස් ජනරාල් ධූරය අහෝසි වී ඇති බව The Island වාර්තා කර සිටිනවා.
ජනාධිපති ගෝඨාභය රාජපක්ෂ මහතා විසින් හදිසි නීතිය ප්‍රකාශයට පත් කළේ සේවයේ නියුතු නිවුන්හැල්ල අත්‍යවශ්‍ය සේවා කොමසාරිස් ජනරාල්වරයා ලෙස නම් කිරීමෙන් පසුවයි.
2021 අගෝස්තු 30 වන දින මේජර් ජෙනරාල් නිවුන්හැල්ලගේ පත්වීම සම්බන්ධයෙන් ජනාධිපති කාර්යාලය නිවේදනය කරන ලදි.
මහජන ආරක්ෂක ආඥාපනතේ 2 වැනි වගන්තියට අනුව පැවරී ඇති බලතල අනුව, 2021 අගෝස්තු 30 මධ්‍යම රාත්‍රියේ සිට බලපැවැත්වෙන පරිදි අත්‍යාවශ්‍ය ආහාර සැපයීම පිළිබඳ 5 වැනි වගන්තියට අනුව සකස් කරන ලද හදිසි නීති රෙගුලාසි ජනාධිපති ගෝඨාභය රාජපක්ෂ විසින් ප්‍රකාශයට පත් කරන ලදී.
කෙසේ වෙතත්, මේ වන විට වෙළඳ අමාත්‍යාංශ ආරංචි මාර්ග පවසන්නේ මිල තීරණය කිරීමට වෙළෙඳපොළට ඉඩ සැලසීමේ නව යෝජනා ක්‍රමයේ කොටසක් ලෙස මිල පාලනය ඉවත් කර ඇති බවයි. කෙසේ වෙතත්, ආනයනකරුවන් පාරිභෝගිකයින් සූරාකෑම වැළැක්වීමට රජය අවශ්‍ය මැදිහත්වීම් සිදු කරන බව ආරංචි මාර්ග සඳහන් කරන අතර ඉන්දියාවේ සිට ගෙනෙන දෙවන නාඩු සහල් තොගය අද (5) කොළඹ වරායට පැමිණෙනුැති බවයි පැවසෙන්නේ.
