පාස්කු ප්‍රහාරය සම්බන්ධයෙන් ආණ්ඩුව පොරොන්දුවූ සාධාරණය ඉෂ්ඨ නොකරන්නේ ඇයි දැයි ප්‍රවීන රංගන ශිල්පිණී වීණා ජයකොඩි මහත්මිය ප්‍රශ්න කර සිටිනවා.
පාස්කු ප්‍රහාරයේ චූදිතයින්, වින්දිතයින් බවට පත් නොකරන ලෙස පවසමින් ශ්‍රේෂ්ඨාධිකරණය ඉදිරිපිට කතෝලික සභාව අද (08) පැවැත්වූ නිහඬ විරෝධතාවයට එක්වෙමින් ඇය මෙම අදහස් පළකළා.
මෙම විරෝධතාවයට මහාසංඝරත්නය ද වැඩම සිටියා.
වීණා ජයකොඩි මහත්මිය සදහන් කරන්නේ මේ වන විට මෙම ගැටළුව ජාත්‍යාන්තරය දක්වාම ගොස් අවසාන බවයි.
එබැවින් මෙයින් කිසිදු පුද්ගලයෙකුට ගැලවීමක් නොමැති බව සදහන් කරන ඇය පෙන්වා දෙන්නේ කාගෙන් ගැලවුණත් දෙවියන්වහන්සේගෙන් ගැලවීමක් නොමැති බවයි.
තමන්ව අත්අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලා සිරිල් ගාමිණී පියතුමා විසින් ඉදිරිපත් කර තිබූ මූලික අයිතිවාසිකම් පෙත්සමද අද (08)
ශ්‍රේෂ්ඨාධිකරණය ඉදිරියේ කැඳවනු ලැබූවා.
