පකිස්තානයේ මානව හිමිකම් තත්වය දිනෙන් දින නරක අතට හැරීම සම්බන්ධයෙන් යුරෝපා සංගමයේ අවධානය යොමුව තිබේ.
විදෙස් මාධ්‍ය වාර්තා කළේ මෙය යුරෝපා සංගමය විසින් පකිස්තානය සදහා ලබාදෙන වෙළෙද සහන ආදියට අහිතකර ලෙස බලපෑමට ඉඩ ඇති බවයි.
යුරෝපා සංගමය විසින් පකිස්තානයේ නිෂ්පාදනය බොහොමයක් සදහා සම්පූර්ණ තීරු බදු සහන ලබාදී තිබේ.
එහිදී අන්තර්ජාතික මානව හිමිකම් යාන්ත්‍රණ 27 ක් අනුගමනය කරන ලෙස යුරෝපා සංගමය පකිස්තානයට දන්වා ඇත.
කෙසේවෙතත් පකිස්තානය එම ක්‍රියාදාමය නිසි ලෙස සිදුනොකරන බව යුරෝපා සංගමයේ මතය වී තිබේ.
ඒ අනුව ඉදිරියේදී පකිස්තානය යුරෝපයට සිදුකරන අපනයනය සම්බන්ධයෙන් විවිධ ගැටලු මතුවිය හැකි බව පැවසේ.
පකිස්තානයේ සමස්ත අපනයනවලින් 31% ක්ම යුරෝපා සංගමය වෙත යැවේ.
