කෘෂිකර්ම අමාත්‍ය මහින්දානන්ද අලුත්ගමගේ මහතාගෙන් අධිකරණයට සහතිකයක් ලබා දෙන ලෙස අභියාචනාධිකරණය නීතිපතිවරයාට අද (11) නියම කරන ලදි.
ඒ, හානිකර බැක්ටිරියා අන්තර්ගත බවට නැවත නැවතත් අනාවරණය වි ඇති චින පොහොර නැව තුළ ඇති මෙට්‍රික් ටොන් 96,000ක් පමණ වු කාබනික පොහොර තොගය මෙරට ගොඩ බෑමට ඉඩ තොතබන බවට‍යි
සෝභිත කරුණාරත්න සහ ධම්මික ගනේපොළ යන මහත්වරුන්ගෙන් සමන්විත අභියාචනාධිකරණ විනිශ්චය මණ්ඩලය විසින් ඉහත නියමය නිකුත් කළේ අදාළ සිද්ධිය සම්බන්ධයෙන් පරිසර යුක්ති කේන්ද්‍රය විසින් ගොනු කර තිබු පෙත්සම කැඳවු අවස්ථාවේදි‍යි.
මේ අතර, ශ්‍රී ලංකාවේ ජාතික ශාක නිරෝධායන සේවාව විසින් නැවත නැවතත් අහිතකර බවට තහවුරු කළ චින්ඩාවෝ සිවින් බයොටෙක් චීන සමාගමේ පොහොර වල අහිතකර බැක්ටීරියා නොමැති බව තහවුරුවී ඇති බව එම සමාගම පවසනවා.
තෙවැනි පාර්ශ්විය ආයතනයක් වන Schutter Global Inspection and Survey Company කළ පරීක්ෂණයේදී ඒ බව හෙළිවූ බවයි ඔවුන් පවසන්නේ.
චීන සමාගම විසින් සපයන ලද සාම්පලවල කිසිදු හානිකර බැක්ටීරියා, සැල්මොනෙල්ලා සහ ඇස්කරයිඩ් බිත්තර හමු නොවූ බව අදාල වාර්තාවේ සඳහන් වන බවත් ඔවුන් පවසනවා.
කෙසේ නමුත්, නෞකාවේ ඇති කාබනික පොහොර සාම්පල තුන්වන පාර්ශවයක් මගින් යළි පරික්ෂා කිරීමේ කිසිදු සුදානමක් නොමැති බව කෘෂිකර්ම අමාත්‍යාංශයේ ලේකම්, ජ්‍යෙෂ්ඨ මහාචාර්ය උදිත් කේ. ජයසිංහ මහතා මින් පෙර පවසා සිටියා. අදාල නෞකාවේ ඇති කාබනික පොහොර මෙරටට ගොඩබෑමට කිසිඳු අවසරයක් ලබාදී නොමැති බවත් එහිදී ඔහු පවසා සිටියා.
