මෙවර අයවැයෙන් එක් වරක් පමණක් ගෙවන පදනමෙන් යුතුව 25% ක බද්දක් රුපියල් මිලියන 2000කට වැඩි ආදායමක් උපයන සමාගම්වලින් අයකිරීමට තීරණය කළේ එම සමාගම් සමඟ අමනාපයෙන් නොවන බව මුදල් අමාත්‍ය බැසිල් රාජපක්ෂ මහතා පවසනවා.
එසේ බදු අය කළේ ජනතාවට ඇති ආදරය නිසා බවයි අමාත්‍යවරයා පෙන්වා දෙන්නේ.
ඒ, රූපවාහිනී දේශපාලන සංවාදාත්මක වැඩසටහනකට එක්වෙමින්.
” මේ බද්ද අය කරන්නේ ලාභෙයෙන්. ඒ ලාභය ලැබුණේ අපි වැට් අරවා මෙව්වා අඩු කළ නිසයි. රස්සා නැති කරන්න බැරි වෙන්න තමයි ඒ ආදායම ලැබිලා අපිට ප්‍රකාශ කළාට පස්සේ බද්ද දැම්මේ. 2020/21 මූල්‍ය වර්ශය ඉදිරිපත් කළේ මාර්තු 31ට. එය ප්‍රකාශ කරලා ඉවරයි”
