නැවතත් සංචරණ සීමා පැනවීමට සිදුවනු ඇති බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්ය හේමන්ත හේරත් මහතා පවසනවා.
කොවිඩ් ආසාදිත පාසල් සිසුන් ගණන ඉහළ යාමත් සමග මෙරට සමස්ත ආසාදිතයන්ගේ වර්ධනයක් සිදුවිය හැකි බවයි ඔහු පෙන්වා දෙන්නේ.
මෙරටින් වාර්තා වූ ආසාදිතයන්ගේ සංසංඛ්‍යාව 552,994ක් වන අතර කොවිඩ් මරණ සංඛ්‍යාව 14,034ක්.
මේ අතර, කොවිඩ් මෙන්ම ඩෙංගු ආසාදිත ළමුන්ගේ ගණනේද වර්ධනයක් ඇති බවයි රිජ්වේ ආර්‍යා ළමා රෝහලේ විශේෂඥ වෛද්ය දීපාල් පෙරේරා මහතා පවසන්නේ.
