සඳහිරු සෑය සමස්ත ලෝකවාසී සැදැහැවතුන්ගේ වන්දනාමානය සඳහා සම්බුදු සසුනට පූජා කිරීම අද (18) පස්වරුවේ සිදුවිය.
ඒ ජනාධිපතිවරයාගේ සහ අගමැතිවරයාගේ ප්‍රධානත්වයෙන්.
මව්බිමේ ඒකීයභාවය වෙනුවෙන් උදාරතර කැපකිරීම් කළ වීරෝදාර රණවිරුවන් සිහිපත් කිරීමේ හා තිස් වසරක යුද්ධයේ නිමාව සනිටුහන් කිරීමේ අරමුණින් සඳහිරු සෑය ඉදිකෙරුණි.
2010 වර්ෂයේ දි ඉදිකිරිම් කටයුතු ආරම්භ කළ මෙම චෛත්‍ය පොළොව මට්ටමේ සිට අඩි 283ක් උසකින් යුක්ත වන අතර පොළොව මට්ටමේ සිට අඩි 45ක් යට සිට ගොඩ නංවා තිබේ.
සඳහිරු සෑය විවෘත කිරීමේ උත්සවයට ඉතා විශාල ජනකායක් රැස්ව සිටි නමුත් එහිදී ජනපතිවරයා සෞඛ්‍යා නීති රීතිවලට අනුකූලව මුඛාවරණයක් නොපැළඳ සිටි බව නිරීක්ෂණය කළ හැකි විය.
කොවිඩ් ආසාදිතයන් වාර්තා වීම නැවතත් ඉහළ අගයක් ගනිමින් පවතින බවට සෞඛ්‍ය අංශ පවසන පසුබිමක ජනපතිවරයාගේ මෙම ක්‍රියාව සමාජ මාධ්‍ය ඔස්සේ දැඩිලෙස විවේචනයට ලක්ව තිබුණා.
