සඳහිරු සෑය සඳහා වැයකළ මුදල් යුද්ධය හේතුවෙන් දිවි අහිමිවූවන්ගේ පවුල් වෙනුවෙන් ලබාදිය යුතුව තිබූ බව සමගි ජන බලවේගයේ මාතලේ දිස්ත්‍රික් පාර්ලිමේන්තු මන්ත්‍රී රෝහිණී කවිරත්න මහත්මිය පවසනවා.
ලෝකය පුරා යුද සැමරුම් ස්මාරක ඉවත් කරමින් සිටින කාලයක, මෙරට රජය මහජන මුදල් වැයකරමින් ස්මාරක ඉදිකිරීම හරහා යුද්ධයෙන් පරාජිත ජන කොට්ඨාශවල වෛරය වැපිරවීමට උත්සාහ කරන බවයි ඇය පෙන්වා දෙන්නේ.
ඒ, අයවැය දෙවැනි වර කියවීමේ විවාදයට සහභාගිවෙමින්.
සැබෑ යුද විරුවන් සැමරීම වන්නේ යුද්ධය හේතුවෙන් අසරණ වූ දෙපාර්ශ්වයේම වින්දිතයන්ට සාධාරණය ඉටු කිරීම බවත් ඒ අනුව සඳහිරු සෑය සඳහා වැයකළ මුදල් යුද්ධය හේතුවෙන් සිය ස්වාමියා අහිමි වූ වැන්දඹුවන්ට, පියා අහිමි වූ දරුවන්ට ලබාදීමට තිබූ බවද කවිරත්න මහත්මිය අවධාරණය කර සිටිනවා..
