කොළඹ ක්රීඩා අමාත්යාංශය අසළ පිහිටි කොළඹ තුරඟ තරග පිටියේ ක්රීඩා ප්රේක්ෂකාගාරයේ පහත මහලයේ ඇති මැක්ඩොනල්ඩ්ස් අවන්හලේ පිපිරීමකින් අනතුරුව ගින්නක් හට ගෙන තිබෙනවා.
අද (20) අළුයම 05.30ට පමණ මෙම පිපිරීම හා ගින්න හට ගෙන ඇති බවයි වාර්තා වන්නේ.
ගින්න හේතුවෙන් අවන්හල පිහිටි ගොඩනැගිල්ලට දැඩි හානි සිදුව තිබෙනවා.
පොලීසිය සැකකරන්නේ ගෑස් කන්දුවක් සිදුවී හටගත් පිපිරීමක් හේතුවෙන් මෙම ගින්න ඇතිව ඇති බවයි.
කොළඹ මහනගර සභාවට අයත් ගිනිනිවීමේ රථ 6ක් යොදා ගනිමින් මේ වන විට ගින්න මැඩපවත්වා තිබෙනවා.
කුරුදුවත්ත පොලීසිය සදහන් කරන්නේ පිපිරීමෙන් කිසිදු පුද්ගලයෙකුට ජීවිත හානි සිදුවී නොමැති බවයි.
කෙසේ වෙතත් පිපිරීමෙන් පුද්ගලයින් දෙදෙනෙකු තුවාල ලබා තිබෙනවා.
කොළඹ තුරඟ තරඟ පිටියේදී ඊයේ (19) රාත්රියේ අග්රාමාත්ය මහින්ද රාජපක්ෂ කුසලාන සිව්කොන් ජාත්යන්තර පාපන්දු තරඟාවලියේ අවසන් තරඟය පැවැත්වුණා.
ඊට ක්රීඩා අමාත්ය නාමල් රාජපක්ෂ මහතා හා ඔහුගේ බිරිදද සහභාගීවී සිටියා.