ජනාධිපතිවරයා පිස්සෙක් බවට තමන් නොබියව ප්‍රකාශ කරන බවට පාර්ලිමේන්තු මන්ත්‍රී කුමාර වෙල්ගම මහතා පවසනවා.
ඒ, ඊයේ දින පාර්ලිමේන්තුව අමතමින්.
මින් පෙර ජනාධිපතිවරුන්ට ජනතාව එසේ පිස්සෙක් යැයි ආමන්ත්‍රණය නොකළ බවයි ඔහු පවසන්නේ.
ජනාධිපතිවරණය සඳහා ගෝඨාභය රාජපක්ෂ මහතාව යෝජනා වන අවස්ථාවේදී තමා ඊට විරුද්ධ වූ බවත් ඇමරිකා එක්සත් ජනපදයේ ඉන්ධන පිරවුම් හළක සේවය කළ, දේශපාලන දැනුමකින් තොර පුද්ගලයෙකු වෙනුවට ජ්‍යේෂ්ඨ දේශපාලඥයෙකු පත්කරන ලෙසට තමා එහිදී ඉල්ලා සිටි බවයි ඔහු පවසන්නේ.
එමෙන්ම, පොහොර ගැටළුව නිසා ජනතාව ඉතාමත් පීඩාවට පත්ව ඇති බවත් මේ වන විට යූරියා අලෙවි වන්නේ රුපියන් දස දහසක පමණ ඉහළ මිලකට බවත් ඔහු පෙන්වා දෙනවා.
එමෙන්ම, පාස්කු ප්‍රහාරකයන්ට වැටුප් ගෙවනු ලැබුවේ රජය විසින් බවත් රජය දැන් උන්මත්තක වී ඇත්තේ පාස්කු ප්‍රහාරයේ ශාපය නිසා බවත් ඔහු අවධාරණය කර සිටිනවා.
