තනි පුද්ගලයෙක් වාහනයක ගමන් ගන්නා විට විශාල ඉන්ධන ප්රමාණයක් පිළිස්සෙන බව බතික්, අත්යන්ත්ර රෙදි හා දේශීය ඇඟළුම් නිෂ්පාදන රාජ්ය අමාත්ය දයාසිරි ජයසේකර මහතා පවසනවා.
එබැවින් කිසියම් වාහනයක් මාර්ගයෙහි ධාවනය කරන්නේ නම් එහි පුද්ගලයන් තිදෙනෙකු හෝ හතර දෙනෙකු ගමන් කිරීම අනිවාර්ය කිරීමේ නීතියක් සම්පාදනය කළ යුතු යැයි රාජ්ය අමාත්යවරයා යෝජනා කරනවා.
වසරකදී ඉන්ධන ආනයනය සඳහා ඩොලර් බිලියන 7 ක් වෙන් කරන බැවින් කඩේට, පොළට වැනි අත්යාවශ්ය නොවන ගමන් සඳහා ඉන්ධන වැය නොකරන ලෙස ජයසේකර මහතා ජනතාවගෙන් ඉල්ලා සිටිනවා.
මේ මොහොතේ ජනතාව අවධානය යොමුකළ යුත්තේ වාහන ආනයනය ගැන නොව තමන් සතුව මේ වන විටත් ඇති වාහන ධාවනය කරන්නේද නොකරන්නේද යන්න පිළිබදව බව රාජ්ය අමාත්යවරයා පෙන්වා දෙනවා.
අනාගතය භයංකාර බවත් තම ගෙවත්තෙහි පෝච්චියක හෝ පළතුරක්, එළවලුවක් වවාගන්නා ලෙසද දයාසිරි ජයසේකර මහතා වැඩිදුරටත් ඉල්ලා සිටිනවා.