හොරණට චීනෙන් අක්කර 200 ක බන්ධනාගාර සංකීර්ණයක්

බන්ධනාගාර තුළ පවත්නා තදබදය අවම කිරීම සදහා හොරණ ප්‍රදේශයේ හදුනාගත් අක්කර 200 ක භූමියක නව බන්ධනාගාර සංකීර්ණයක් ඉදිකිරීමට වහාම පියවර ගන්නා බව අධිකරණ අමාත්‍ය අලි සබ්‍රි මහතා පවසනවා.
මේ සදහා චීන රජයේ සහයද ලැබෙන අතර මෙය කඩිනම් ව්‍යාපෘතියක් ලෙස ආරම්භ කිරීමට මේ වන විටත් කටයුතු සූදානම් කර තිබෙනවා.
පවත්නා කොවිඩ් තත්ත්වය හේතුවෙන් බන්ධනාගාර පොකුරක්ද නිර්මාණය වී ඇති නිසා බන්ධනාගාර තුළ ඇති තදබදය අවම කිරීමට මේ දිනවල සුළු වැරදි සම්බන්ධයෙන් රිමාන්ඩ් බන්ධනාගාර ගතවූ පුද්ගලයින් නිදහස් කිරීමේ වැඩපිළිවෙලක්ද ක්‍රියාත්මකයි.
ඒ යටතේ ඊයේ (07) දිනයේත් රැදවියන් 600 කට ආසන්න පිරිසක් නිදහස් කිරීමට කටයුතු කල බව බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ලොහාන් රත්වත්තේ මහතා ඊයේ (07) පැවති ප්‍රවෘත්ති සාකච්ඡාවකදී පැවසුවා.