ටිබෙට් ජාතිකයන් හොංකොං වැනි වෙනත් පීඩාවට පත් කණ්ඩායම් සමඟ සබඳතා ශක්තිමත් කර සමස්තයක් ලෙස චීන පාලනයට අභියෝග කිරීමට කටයුතු කළ යුතු බව ටිබෙට් ඩයස්පෝරාව වෙත ඉල්ලීමක් ඉදිරිපත් ව තිබේ.
මෙම ඉල්ලීම ඉදිරිපත් කර ඇත්තේ ප්‍රමුඛ ටිබෙට් ක්‍රියාකාරීන් දෙදෙනෙකු වන ඕස්ට්‍රේලියාවේ කයින්සොම් දොන්ග්ඩු සහ බ්‍රිතාන්‍යයේ ට්සරින් පසාන්ග් විසිනි.
ටිබෙටයේ තත්වය පිළිබද පැවති විශ්ලේෂණාත්ම ක සාකච්ඡාවක දී ඔවුහු මෙම ඉල්ලීම ඉදිරිපත් කළහ.
මෙහිදී අන්තර්ජාතික ප්‍රජාවේ අවධානය දිනා ගැනීම කෙරෙහි ද අවධානය යොමු කළ යුතු බව ඔවුහු සදහන් කළහ.
එහිදී ටිබෙටයේ හිටපු මන්ත්‍රිවරියක වන කයින්සොම් දොන්ග්ඩු ඕස්ට්‍රේලියානු පාර්ලිමේන්තුවේ ඉහළ මන්ත්‍රී මණ්ඩලයේ සෙනෙට් ආසනයක් සඳහා තරඟ කිරීම වැනි ක්‍රියාමාර්ග පිළිබද අගය කෙරුණු අතර ඇයගේ අපේක්ෂකත්වය ඕස්ට්‍රේලියානු මහාද්වීපය පුරා ටිබෙටයේ අරගලය කෙරෙහි වැඩි අවධානයක් යොමු කරනු ඇති බව ද සදහන් කෙරිණ.
