චීනයේ මූල්‍යාධාර ලබන චීන-පකිස්තාන ආර්ථික කොරිඩෝව යටතේ, අසාද් කාශ්මීරයේ ක්‍රියාත්මක බලශක්ති ව්‍යාපෘතියක් සම්බන්ධයෙන් විශාල අර්බුදයක් මතුව ඇති බව වාර්තා වේ.
චීන සමාගමක් විසින් අසාද් කාශ්මීරයේ ක්‍රියාත්මක දැවැන්ත ජල විදුලි ව්‍යාපෘතියක් දේශීය බදු කොන්දේසි නොතකා හැරීම හේතුවෙන් මෙම තත්වය මතුව ඇති බව පැ‍වසේ.
මෙගාවොට් 1,124 ක ජලවිදුලි ව්‍යාපෘතියේ ප්‍රසම්පාදන කොන්ත්‍රාත්තුවට අසාද් කාශ්මීර පාලනය විසින් 1% ක ස්ථාවර බද්දක් සම්මත කිරීම ගැටලුවට හේතුවයි.
මෙම ගැටලුව වහාම විසඳන ලෙස චීන සමාගම පාකිස්තානයෙන් ඉල්ලා ඇති අතර ප්‍රශ්නය විසඳා නොගතහොත්, චීන ජාතිකයන් මෙම ව්‍යාපෘතිය චීන-පකිස්තාන ආර්ථික හවුල් ව්‍යාපෘති ලැයිස්තුවෙන් ඉවත් කළ හැකි බව පකිස්ථානයේ ප්‍රධාන පුවත්පතක් පකිස්ථාන නිලධාරියෙකු උපුටා දක්වමින් වාර්තා කර තිබේ.
මේ අතර එම ව්‍යාපෘතිය මගින් ඉන්දියාවේ ස්වෛරීභාවය උල්ලංඝනය කරන බැවින් ඉන්දියාව විසින් පසුගිය කාලයේ කිහිප වතාවක්ම මෙය ගැටලු සහගත බව චීනයට අවධාරණය කර ඇතැයි ද සදහන් වේ.
