චීනය සමඟ ආර්ථිකය සහ ජාතික ආරක්ෂාව යන ක්ෂේත්‍රවල තරඟකාරිත්වය වැඩි කිරීම සඳහා නව නීති සම්පාදනය කිරීමට එක්සත් ජනපද නියෝජිත මන්ත්‍රී මණ්ඩලය පියවර ගෙන තිබේ.
‘2022 ඇමරිකානු තරඟ පනත’ ලෙස නම් කර ඇති මෙම නීතිය මගින් ඇමරිකානු නිෂ්පාදන ඉහළ නැංවීමට, ආර්ථික සහ ජාතික ආරක්ෂාව ශක්තිමත් කිරීමට උත්සාහ කරනු ඇති බව සදහන් වේ.
ඇමරිකානු ජනාධිපති ජෝ බයිඩන් ධවල මන්දිරයේදී ප්‍රකාශ කර ඇත්තේ ඉදිරි දශක කිහිපය තුළ චීනය සහ සෙසු ලෝකය අභිබවා යාමට සහ සැපයුම්දාම ශක්තිමත් කර ආර්ථිකය වර්ධනයට අවශ්‍ය නීති සම්පාදනය කිරීමට මෙමගින් වැදගත් පියවර ගෙන ඇති බවයි.
ගෝලීය නීති නොසලකා හැරීමට චීනය දරන ප්‍රයත්නයන්ට ප්‍රතිරෝධය දැක්වීම සඳහා ඇමරිකානු නායකයින් හට මෙම පනත ජාත්‍යන්තර සංසදවලදී සහ ගෝලීය ගැටලු සම්බන්ධයෙන් උපකාරී වනු ඇති බව විචාරකයන්ගේ අදහස වී තිබේ.
