ගෑස් ලිප් භාවිතා කිරීමෙන් ඩොලර් පිච්චෙන බව රාජ්‍ය අමාත්‍ය සනත් නිශාන්ත මහතා පවසනවා.
ඒ, ශ්‍රී ලංකා පොදුජන පෙරමුණේ වාරියපොල කාන්තා බලමණ්ඩල රැස්වීම අමතමින්.
එබැවින් ගෘහණියන් යළිත් දර ලිප් භාවිතයට හුරුවිය යුතු බවයි ඔහු අවධාරණය කරන්නේ.
මෙහිදී වැඩිදුරටත් අදහස් දැක්වූ රාජ්‍ය අමාත්‍යවරයා,
“අද මේ වෙනකොට කෙටියෙන් කියනවා නම් අපට ආනයන කරගන්න බැරි තත්වයකට රට නිර්මාණය වෙලා තියෙනවා. මම දැන් මේ මන්ත්‍රීකම්, ඇමතිකම් කරන 24 වෙනි අවුරුද්ද. මේ කතා කරන මොහොත වෙනකොටත් අපේ ගෙදර තවමත් දර කුස්සියේ තමයි ලිප පත්තු වෙන්නෙ.
මම ආසන සංවිධායකවරයා හැටියට කටයුතු කරන ආණමඩුවේ ගත්තාම ආණමඩුවේ ඕනෙ තරම් දර තියෙනවා. නවගත්තේගම, කරුවලගස්වැව, වනාතවිල්ලුව, එව්වාගෙත් සමහර උදවිය උයන්නෙ ගෑස්වලින්, දර කෑල්ල කුස්සියෙන් ගන්න පුළුවන්කම තියෙද්දී. හැබැයි මේ පිච්චෙන හැන ගිනි පුළිඟුවක් හරහා ම අපේ රටේ ඩොලර්ස් තමා පිච්චිලා පිට රටට යන්නෙ. ඒක තමා මම යෝජනා කළේ අපට දැලි කුස්සිය හදාගන්න පුළුවන් නම් හොඳයි කියලා”
