කොට්ටාව, පන්නිපිටිය ප්රදේශයේ අපොස උසස් පෙළ විභාගයේ සිසුන්ගේ දේශපාලන විද්යාව ප්රශ්නපත්ර පරීක්ෂා කිරීම සදහා පැමිණි ගුරුවරයෙකුට කොවිඩ් 19 වෛරසය ආසාදනය වී ඇත.
මේ පිළිබඳව අප විභාග කොමසාරිස් ජෙනරාල් බී. සනත් ජුජිතගෙන් විමසීමක් කළ අතර ඔහු එය තහවුරු කළේය. පුජිත මහතා පවසා සිටියේ අදාල ගුරුවරයාට වෛරසය ආසාදනය වී ඇත්තේ නිවසේ දී බවත්, ඔහු සමඟ නේවාසිකව සිටි තවත් ගුරුවරයෙක්ව මේ වන විට නිරෝධායනයට පිටත් කර ඇති බවත්ය. අදාල විද්යාලයේ එම අංශය සම්පූර්ණයෙන්ම විශබීජහරණය කර ඇති බවත් මේ වන විට ප්රශ්ණ පත්ර නිරීක්ෂණ කටයුතු සාමාන්ය පරිදි සිදු වන බවත් ඒ මහතා පැවසිය.
අප කළ විමසීමකදී ලංකා ගුරු සංගමයේ ලේකම් ජෝසප් ස්ටාලීන් පැවසූවේ ප්රශ්නපත්ර පරික්ෂා කරන ගුරුවරුන්ට අත් පිරිසිදු කිරීමට ලබා දී ඇති විශබීජනාශක දියර ප්රමාණවත් තරම් ලැබී නැති බවය. කෙසේ වෙතත් නිරෝධායනය වෙමින් සිටින ළමුන්ගේද ප්රශ්න පත්ර බැලීමට සිදු වන බැවින් ගුරුවරුන්ට ඒ සදහා අත්වැසුම් ලබා දී නැති බවය. ගුරුවරුන් මේ වන විට රාජකාරි කරන්නේ අවදානම් තත්වයක් යටතේ බැවින් ඔවුන්ගේ ආරක්ෂාව සකස් කර දීම අධ්යාපන අමාත්යංශයේ රාජකාරියක් බවය.