දේශීයව මෙන්ම මෙරටට පැමිණෙන විදේශිකයන් අතරද අතිශයින් ජනප්‍රිය ආහාරයක් වන “කොත්තු රොටි” සඳහා පේටන්ට් අයිතිය ශ්‍රී ලංකාව විසින් ලබාගත යුතු බව පොදුජන පෙරමුණේ පාර්ලිමේන්තු මන්ත්‍රී ආචාර්ය චරිත හේරත් මහතා පවසනවා.
ඒ, අද (08) දින පාර්ලිමේන්තුව අමතමින්.
බොහෝ දෙනෙකු ආහාරයට ගන්න පීසා වල අයිති ඇත්තේ ඉතාලිය සතුව බවත් එබැවින් කොත්තු රොටි සඳහා පේටන්ට් අයිතිය ශ්‍රී ලංකාවට ලබා ගැනීමට හැකියාවක් පවතින බවත් ඔහු පෙන්වා දෙනවා.
පීසා මෙන්ම විවිධකරණය වූ කොත්තු මිලට ගැනීමට හැකියාවක් ඇති නමුත් අද වෙනතුරු කිසිවෙකුත් කොත්තු සඳහා පේටනට් අයිතිය ලබාගෙන නොමැති බවත් මන්ත්‍රීවරයා පවසනවා.
මඩකලපුවෙන් පටන් ගත් කොත්තු රොටී අද වන විට අයිස්ක්‍රීම් කොත්තුව දක්වා වර්ධනය වී ඇති බවත් කොත්තුවේ පේටන්ට් අයිතිය අනිවාර්‍යයෙන්ම මෙරට සතු කරගත යුතුව ඇති බවත් මන්ත්‍රීවරයා අවධාරණය කර සිටිනවා.
