ශ්‍රී ලංකාවට අත්‍යවශ්‍ය භාණ්ඩ ආනයනය කිරීම සදහා ඉන්දියාව විසින් ලබාදෙන ඩොලර් බිලියන 01 ක වටිනාකමින් යුත් ණයට අදාළ ගිවිසුමට අත්සන් තැබීම අද සිදු කෙරිණ.
අද පස්වරැ තුනට පමණ මුදල් අමාත්‍යංශ ලේකම් එස් ආර් ආටිගල සහ ඉන්දීය රාජ්‍ය බැංකුවේ නියෝජ්‍ය සාමාන්‍යාධිකාරිවරයෙකු අතර මෙම ගිවිසුමට අත්සන් තැබුණේ ඉන්දියාවේ දිල්ලි අගනුවර පිහිටි එරට මුදල් අමාත්‍යංශයේ දීයි.
ගිවිසුම අත්සන් තැබී‍මේ අවස්ථාවට ඉන්දීය විදේශ අමාත්‍ය එස් ජයිසංකර්, මුදල් අමාත්‍ය නිර්මලා සීතාරාමන්, මුදල් අමාත්‍ය බැසිල් රාජපක්ෂ, ඉන්දියාවේ ශ්‍රී ලංකා මහ කොමාසරිස් මිලින්ද මොරගොඩ ඇතුළු පිරිසක් එක්ව සිටියහ.
මේ අනුව ශ්‍රී ලංකාවට අවශ්‍ය අත්‍යවශය ආහාර, බෙහෙත් සහ පාරිභෝගික භාණ්ඩ ආනයනය කිරීම සදහා ඩොලර් බිලියන එකක පමණ ණය මුදලක් ඉන්දියාව විසින් එරට රාජ්‍ය බැංකුව හරහා පිරිනැමීම සිදුවනු ඇත.
