මෝටර් රථ ප්රවාහන දෙපාර්තමේන්තුවේ දූෂිත නිලධාරීන් හඳුනාගැනීම සදහා වසරක් පුරා එම නිලධාරීන්ව නිරීක්ෂණය කිරීමට බුද්ධි අංශ නිලධාරීන් යොදවා තොරතුරු රැස් කළ බව ප්රවාහන රාජ්ය අමාත්ය දිලුම් අමුණුගම පැවසීය.
වසරක් පුරා එසේ නිරීක්ෂණය කළ නිසා RMV නිලධාරීන් 600 ක් පමණ ස්ථාන මාරු ලබා යෑවීමට ඔවුන් දක්වන විරෝධතාවලින් කිසිදු ඵලක් නොවන බව ඒ මහතා පවසයි.
“අපි පහුගිය අවුරුද්දක කාලයක් මෝටර් රථ ප්රවාහන දෙපාර්තමේන්තුවේ කටයුතු පිළිබඳව නිරීක්ෂණය කෙරුවා. බුද්ධි අංශ නිලධාරීන් යොදවලා යම් යම් තොරතුරු ලබා ගත්තා. ඒ අනුව දූෂිත නිලධාරීන් සහ දූෂිත නැති නිලධාරීන් කවුද කියලා හඳුනගත්තා. බහුතරයක් නිලධාරීන් දූෂිත නිලධාරීන්. ඒ දෙපාර්තමේන්තුව තුළ නොසිටිය යුතු නිලධාරීන් යම් ප්රමාණයක් අපි හඳුනගත්තා. මේ අය විතරක් මාරු කළොත් මේ අයට ගිහින් අලුත් රාජකාරී ස්ථානයේ වැඩකරන්න ප්රශ්නයක් වෙනවා මොකද දූෂිත නිසා ඉවත් කෙරුවා කියන චෝදනාව එනවා. මේ අය ඇතුළුව වාර්ෂික ස්ථානමාරු ලැබිය යුතු අය සහ ස්ථානමාරු ඉල්ලලා තියෙන අය ඇතුළත්ව මේ ස්ථානමාරුවීම් සිදුකරනවා.” යැයි ප්රවාහන රාජ්ය අමාත්යවරයා පැවසීය.