ලොව අංක එකේ ප්‍රිමියර් ලීග් T20 තරගාවලිය ලෙස සැලකෙන ඉන්දීය ප්‍රිමියර් ලීග් තරගාවලියේ සාර්ථකම නායකයා ලෙස නම් දරා සිටි හිටපු ඉන්දීය නායක මහේන්ද්‍ර සිං දෝනි මෙවර තරගාවලියේදි චෙන්නායි සුපර් කින්ග්ස් කණ්ඩායමේ නායකත්වයෙන් ඉවත්වීමට තීරණය කර තිබෙනවා.
මේ වන විට අවස්ථා 14කදී ක්‍රියාත්මක වී ඇති ඉන්දීය ප්‍රිමියර් ලීග් තරගාවලියේ, චෙන්නායි සුපර් කින්ග්ස් කණ්ඩායම තරගාවලිය නියෝජනය නොකළ අවස්ථා 02දී හැර සෙසු අදියර 12 දීම එම කණ්ඩායම මෙහෙයවා ඇත්තේ මහේන්ද්‍ර සිං දෝනි විසින්.
IPL තරගාවලිය තුළ දෝනි චෙන්නායි සුපර් කින්ග්ස් සහ රයිසින් පුනෛයි සුපර් ජෙන්ට්ස් කණ්ඩායම් සඳගා තරග 204 කට නායකත්වය ලබා දී ඇති දෝනි ඉන් තරග 121ක් සිය කණ්ඩායම ජයග්‍රාහණය කරා මෙහෙයවා ඇත්තේ 59.60% ජයග්‍රාහී ප්‍රතිශතයක් පවත්වා ගනිමින්.
එමෙන්ම දෝනිගේ නායකත්වය චෙන්නායි සුපර් කිංග්ස් කණ්ඩායම අවස්ථා 04කදී ඉන්දීය ප්‍රිමියර් ලීග් ශූරතාවය දිනාගෙන තිබෙනවා.
මුලික වටයේ තරග අවසානයේ සුපිරි කණ්ඩායම් 4 සඳහා සුදුසුකම් ලැබු අවස්ථා 11ක් දැක්වෙන අතර ඉන් 09කදී දෝනි සිය කණ්ඩායම අවසන් මහා තරගය සඳහා රැගෙන ගොස් තිබෙනවා.
ඒ අනුව මහේන්ද්‍ර සිං දෝනි සැලකෙන්නේ ෆ්‍රැන්චයිස් ක්‍රිකට් තරග රටාවේ මෙතෙක් බිහිවූ විශිෂ්ඨතම නායකයා ලෙසයි.
