ඉන්දියාවේ සංචාරයක නිරත චීන විදේශ අමාත්ය වන් ඊ සහ ඉන්දීය විදේශ අමාත්ය එස්. ජයශංකර් අතර හමුවක් අද (25) දින හයිද්රාබාද් මන්දිරයේදීයි සිදුව තිබෙනවා.
ඊයේ ඉන්දියාවට පැමිණි චීන විදේශ අමාත්යවරයා අද දිනයේ ඉන්දීය ජාතික ආරක්ෂක උපදේශක අජිත් දෝවාල් හමුවී සාකච්ඡා කර ඇති අතර ඉන්දීය වාර්තා පැවසුවේ දේශසීමා ගැටලු හා භූ දේශපාලනික තත්ත්වයන් පිළිබඳව එහිදී සාකච්ඡා කර ඇති බවයි.
2020 වසරේදී ඇති වූ දේශ සීමා ගැටුම්වලින් පසුව දෙරට අතර සබඳතා අයහපත් තත්ත්වයට පත්වූ අතර එම ගැටුමේදී ඉන්දීය හමුදා සෙබළු 20 දෙනෙක් ජීවිතක්ෂයට පත් විය. චීන ජ්යේෂ්ඨ රාජ්ය තාන්න්රික නිලධාරියෙකු ඉන්දියාවේ සංචාරයක නිරත වන්නේ ඉන් අනතුරුව පළමු වරටයි.
ඉන්දීය සංචාරය ආරම්භ කිරීමට පෙර චීන විදේශ අමාත්යවරයා පකිස්ථානයේ හා ඇෆ්ඝනිස්ථානයේ සංචාරය කළ අතර ඇෆ්ඝනිස්ථානයේදී ඔහු තලේබාන් සංවිධානය සමග ද සාකච්ඡා කරන ලදි.
ඉන්දීය සංචාරයෙන් අනතුරුව චීන විදේශ අමාත්යවරයා අද පස්වරුවේ නේපාලය බලා පිටත්ව යාමට නියමිතයි.