පකිස්තානයේ මාටියාරි සිට ලාහෝර් දක්වා අධිවෝල්ටීය සෘජු විදුලි සම්ප්රේෂණ මාර්ගයේ සංවර්ධන හවුල්කාරිත්වය ඇති චීන සමාගම් වෙත තම ගෙවීම් වගකීම් ඉටු කිරීමට පාකිස්ථානය අසමත් වී ඇති බව වාර්තා වේ.
රුසියානු යුක්රේන යුද්ධය හේතුවෙන් ඇති වූ බාධා මධ්යයේ පාකිස්තානයේ මූල්ය තත්වය අඛණ්ඩව දුර්වල වෙමින් ඇති හෙයින් අරමුදල් රැස්කිරීම ඉස්ලාමාබාද්ට තවදුරටත් අපහසු වී ඇති බව එරට මාධ්ය වාර්තා කරයි.
මෙම ව්යාපෘතියේ චීන හවුල්කරුවන් ඔවුන්ගේ රජයට සහ ඉස්ලාමාබාද්හි චීන තානාපති කාර්යාලයට කනස්සල්ල පළ කරමින් 2021 සැප්තැම්බර් සිට 2022 පෙබරවාරි දක්වා කාලය සඳහා පාකිස්තානයෙන් හිමිවිය යුතු රුපියල් බිලියන 12.35 ක මුදල වහාම මුදා හරින ලෙස ඉල්ලා ඇත.
රුපියල් බිලියන 21.1 වන මුළු මුදලින්, චීන සමාගමට මෙතෙක් ලැබී ඇත්තේ රුපියල් බිලියන 8.75 පමණක් බව ද පැවසේ.
චීන-පාකිස්තාන ආර්ථික හවුල්කාරිත්වයෙන් යුතුව කටයුතු කරන තවත් චීන බලශක්ති සමාගම් රැසක් මෙවැනි ගෙවීම් ප්රමාදයන්ට අඛණ්ඩව මුහුණ දෙමින් සිටින බවද වාර්තා වේ.