කොවිඩ්-19 වසංගතයේ උච්චතම ස්ථානයේ සිටින චීනයේ මාර්තු මාසය සඳහා වන නිෂ්පාදන සහ සේවා අංශවල තවදුරටත් පහත වැටීමක් සිදුවී ඇති බව නිල සමීක්ෂණ වාර්තාවක් පෙන්වා දෙයි.
නිල නිෂ්පාදන ගැණුම් කළමනාකරුවන්ගේ දර්ශකය (PMI) පෙබරවාරි මාසයේ 50.2 සිට 49.5 දක්වා පහත වැටී ඇති බව චීනයේ ජාතික සංඛ්යාලේඛන කාර්යාංශය (NBS) පවසන අතර, නිෂ්පාදන නොවන PMI දර්ශකය පෙබරවාරි මාසයේ පැවති 51.6 සිට 48.4 දක්වා පහත වැටුණු බව ෂින්හුවා පුවත් සේවය වාර්තා කර ඇත.
මෙම තියුණු මන්දගාමී වීමට හේතුව කොවිඩ් පැතිරීම මැඩපැවැත්වීම සඳහා ෂැංහයි සහ ෂෙන්සෙන් ඇතුළු බොහෝ නගරවල නිෂ්පාදන සහ බෙදාහැරීම බලධාරීන් විසින් සීමා කර තිබීමයි.
මේ අතර චීන රැකියා වෙළඳපොල ශීඝ්රයෙන් හැකිළී යමින් පවතින බව එරට වාර්තා පෙන්වා දෙයි.
චීනයේ රෙන්මින් විශ්ව විද්යාලයේ රැකියා පර්යේෂණ සඳහා වූ චයිනා ආයතනය (CIER) සහ රැකියා සෙවීමේ වෙබ් අඩවිය වන Zhaopin විසින් මෑතකදී කරන ලද සමීක්ෂණයකින් පෙන්නුම් කරන්නේ චීනයේ නැවුම් විශ්ව විද්යාල උපාධිධාරීන් අතර එක් අයදුම්කරුවෙකුට ලබා ගත හැකි රැකියා සංඛ්යාව 2021 සිව්වන කාර්තුවේදී 0.88 දක්වා පහත වැටී ඇති බවයි.