ඇෆ්ගනිස්ථානයේ තලෙයිබාන් රජය පිළිගැනීමට චීනය ඉක්මන් වන්නේ ඇෆ්ගනිස්ථානය සතු ඩොලර් ට්රිලියන 3 ක් වටිනා ඛනිජ සම්පත් සහ දුර්ලභ පාෂාණ හා පස ඉලක්ක කරගනිමින් යැයි ස්වාධීන මාධ්ය කණ්ඩායමක් පෙන්වා දී තිබේ.
ඇස්තමේන්තුවකට අනුව ඇෆ්ගනිස්තානයේ ඛණිජ සම්පත් සහ දුර්ලභ පාෂාණ සහ පස් වර්ග රැසක් ඇති අතර ඇමරිකානු ඩොලර් ට්රිලියන 3 ක් වටිනා ඒවා කෙරෙහි චීනය දැඩි උනන්දුවක් දක්වනු ලබයි.
එමෙන්ම චීන විරෝධී නැගෙනහිර තුර්කිස්තාන් ඉස්ලාමීය ව්යාපාරයේ ආරක්ෂිත නවාතැන (ETIM) අස්ථාවර ඇෆ්ගනිස්තානය විය හැකි බවට චීනයට ඇති බිය මෙන්ම ඇෆ්ගනිස්ථානය සමඟ වන දේශ සීමා සුරක්ෂිත කිරීම චීනයේ ප්රමුඛ අවශ්යතාව වී ඇති බව එම වාර්තාවේ සඳහන් වේ.
පසුගිය මාර්තු 24 වන දින චීන විදේශ අමාත්යවරයාගේ ඇෆ්ගනිස්ථානයේ නිල නොවන සංචාරය තලේබාන් ප්රමුඛ රජයට නීත්යානුකූල පිළිගැනීමක් ලබාදීමට චීනය ගත් උත්සහයක් ලෙස අනුමාන කළ හැකි යැයි එක්සත් ජනපදය පදනම් කරගත් ස්වාධීන මාධ්ය කණ්ඩායමක් වන Global Strat View වැඩිදුරටත් පෙන්වා දී තිබේ.
යුක්රේන රුසියානු ගැටුම මධ්යයේ චීනය කලාපීය රටවල විදේශ අමාත්යවරුන්ගේ හමුවක් පැවැත්වීමට සැලසුම් කර ඇති බව ද ඒ අතර වාර්තා වී ඇත.
රුසියානු විදේශ අමාත්ය සර්ගෙයි ලැව්රෝව් සමඟ ඉරානය, පාකිස්තානය සහ මධ්යම ආසියාතික රටවල විදේශ අමාත්යවරුන් මෙම රැස්වීමට සහභාගී වීමට නියමිතය.