ඇෆ්ගනිස්ථානයේ නව යොවුන්වියේ බාලිකා පාසල් නැවත විවෘත කිරීම තලේබාන් නායකත්වය අතර ගැටුම් ඇති කිරීමට හේතු විය හැකි බව ඇෆ්ගන් කාන්තාවන් සඳහා වන එක්සත් ජනපද විශේෂ නියෝජිත රීනා අමිරි පවසා තිබේ.
තුර්කි TRT පුවත් සේවය වෙත අදහස් දක්වමින් රීනා අමිරි කියා සිටියේ තලේබාන්වරුන් අතර විශේෂයෙන් කාන්තාවන්ට වැඩ කිරීමේ නිදහස සහ ගැහැණු ළමයින් සඳහා පාසල් නැවත විවෘත කිරීම වැනි මිනිසුන්ගේ නිදහසට පක්ෂපාතී පුද්ගලයින් සිටින බවයි.
මෙම තලේබාන් කණ්ඩායම ඇෆ්ගනිස්ථානයේ දේශපාලන පැවැත්ම සහ අවශ්‍යතා සඳහා පාසල් නැවත විවෘත කිරීමේ වැදගත්කම විශ්වාස කරන බව අමිරි පවසයි.
තලේබාන් සංවිධානය බාලිකා පාසල් සම්බන්ධයෙන් ඔවුන්ගේ දැඩි ස්ථාවරයට ප්‍රතිරෝධය දක්වන්නේ නම් සහ ඔවුන් ඇෆ්ගනිස්ථාන ජාතිකයන්ගේ කැමැත්ත වැලඳ නොගතහොත් ඇෆ්ගනිස්ථානය බිඳවැටීමට තුඩු දිය හැකි බවට විශේෂ නියෝජිතයා මෙහිදී අනතුරු ඇඟවීය.
ඇෆ්ගනිස්ථානයේ පාසල් වසා දැමීමේ ප්‍රතිවිපාක ගැන එක්සත් ජනපද නිලධාරියෙකු කතා කළ පළමු අවස්ථාව මෙය බව සඳහන් වේ.
මෙම තහනම ලෝක ප්‍රජාවගේ කෝපය පමණක් නොව ඇෆ්ගන් ජනතාව මෙන්ම තලේබාන් නිලධාරීන් සහ තලේබාන් හිතවාදී පුද්ගලයින් ගණනාවක් ද කෝපයට පත් කිරීමට හේතු වී ඇතැයි පැවසේ.
