ජනාධිපතිවරයාට ඉවත් වන ලෙස බල කරමින් ගාලුමුවදොරදී පැවැත්වෙන විරෝධතාවයට කතෝලික සභාව සහයෝගය දක්වන බව එහි මාධ්‍ය ප්‍රකාශක සිරිල් ගාමිණී පියතුමා පවසනවා.
ජනාධිපතිවරයා ඉවත් විය යුතු යන ස්ථාවරයේ කතෝලික සභාවද සිටින බවත් ගාමිණී පියතුමා පවසනවා.
කතෝලික සභාව ද එම විරෝධතාවය ක්‍රියාත්මක කරන පිරිස සමග පසෙකින් සිටින බවත් විරෝධතාවය තුළ ආගමික කටයුතු කිරීමේ කිසිදු සූදානමක් නොමැති බවත් ඔහු අවධාරණය කරනවා.
පාස්කු ඉරුදින ආගමික වැඩසටහන් ගාලුමුවදොර විරෝධතාව පැවැත්වෙන ස්ථානයේ පැවැත්වීමේ සූදානමක් ඇති බවට සමාජ මාධ්‍ය ජාලාවල පළවුවද කතෝලික සභාව තුළ එවැනි කිසිදු සූදානමක් නොමැති බවයි පියතුමාණන් අවධාරණය කරන්නේ.
