බටහිර අප්‍රිකානු රටක් වන ගිනියාවේ හමුදා ආණ්ඩුව එරට තුළ පතල් කර්මාන්තයේ නිරත චීන සහ වෙනත් රටවල සමාගම්වලට දැඩි කොන්දේසි පැනවීමට පියවර ගෙන ඇති බව වාර්තා වේ.
ගිනියාවේ ජනාධිපතිවරයාව සිටි ඇල්ෆා කොන්ඩේ එරට හමුදාව විසින් පසුගිය වසරේ සැප්තැම්බර් මාසයේ දී කුමන්ත්‍රණයක් මගින් ජනාධිපති ධුරයෙන් ඉවත් කරනු ලැබිණ.
නව හමුදා ආණ්ඩුව පැරණි රජය විසින් පවත්වාගෙන ගිය ගිවිසුම්වලට අනුව කටයුතු කරන බවට පොරොන්දු වුවද විදේශීය පතල් සමාගම් කෙරෙහි නව කොන්දේසි පැනවීමට කටයුතු කරන බව සදහන් වේ.
ඒ අනුව ඔවුන් දේශීය බොක්සයිට් පිරිපහදු ඉදිකිරීමට විදේශීය සමාගම්වලට නියෝග කර ඇති අතර රටේ විශාලතම යපස් නිධිය වන Simandou හි මෙහෙයුම් ද අත්හිටුවා තිබේ.
මේ හේතුවෙන් චීනය විසින් ඕස්ට්‍රේලියාවෙන් ලැබෙන යපස් සැපයුම් අඩුවීමට විකල්පයක් ලෙස ගිනියාවෙන් යපස් ලබා ගැනීමට කර තිබූ සැලසුම ද අසාර්ථක වීමේ ඉඩකඩක් මතුව ඇති බව සදහන් වේ.
