ඇෆ්ගනිස්ථානයේ කෝස්ට් (Khost) සහ කුනාර් (Kunar) පළාත්වලට පකිස්තාන හමුදාව විසින් මෑතකදී එල්ල කරන ලද ගුවන් ප්රහාරවලින් සිවිල් වැසියන් ගණනාවක් මරුමුවට පත් වීම දෙරට අතර දැනටමත් පවතින ආතතීන් තීව්ර කර ඇති බව විදෙස් මාධය වාර්තා කර තිබෙනවා.
නිව්යෝර්ක් ටයිම්ස් පුවත්පත ඇෆ්ගනිස්තාන ප්රාදේශීය බලධාරීන් කිහිප දෙනෙකු උපුටා දක්වමින් වාර්තාකර ඇත්තේ පසුගිය සෙනසුරාදා උදෑසන නැගෙනහිර ඇෆ්ගනිස්ථානයට එල්ල වූ ගුවන් ප්රහාරවලින් මියගිය සංඛ්යාව අවම වශයෙන් පුද්ගලයින් 45 දක්වා ඉහළ ගොස් ඇති බවයි.
ඇෆ්ගනිස්ථානයේ ඉස්ලාමීය එමීර් රාජ්යය (IEA)හෙවත් තලේබාන් පාලනය කෝස්ට් සහ සහ කුනාර් හි සරණාගතයින්ට එල්ල කළ පකිස්තානය එල්ල කළ ප්රහාරය තරයේ හෙළා දැක තිබේ.
තලේබාන් ප්රකාශක සබිහුල්ලා මුජාහිඩ් මේ සම්බන්ධයෙන් ට්විටර් පණිවුඩයක් නිකුත් කරමින් ඇෆ්ගන්වරුන්ගේ ඉවසීම පරීක්ෂා නොකරන ලෙසත්, එම වරද නැවත සිදු නොකිරීමට වගබලාගත යුතු අතර එසේ නොවුවහොත් නරක ප්රතිවිපාක ඇති කරනු ඇති බවටත් පාකිස්තානයට අනතුරු අඟවා ඇත.
ඇෆ්ගනිස්ථානයේ විදේශ කටයුතු අමාත්යාංශයේ ප්රකාශයකට අනුව, තලේබාන් සංවිධානය කාබුල්හි පාකිස්තාන තානාපතිවරයා ද කැදවා ප්රහාර සම්බන්ධයෙන් අප්රසාදය ප්රකාශ කර ඉස්ලාමාබාද් වෙත භාරදීම සඳහා රාජ්ය තාන්ත්රික දැන්වීමක් ද ලබා දී ඇතැයි සඳහන් වේ.
කෙසේ වෙතත්, පාකිස්තාන නිලධාරින් තවමත් ප්රහාර සනාථ කර නොමැති අතර ඒ වෙනුවට ඇෆ්ගනිස්ථානයෙන් ඔවුන්ගේ ආරක්ෂක හමුදාවන්ට එරෙහිව දේශසීමා හරහා වැඩි වන ප්රහාර මැඩපැවැත්වන ලෙස තලේබාන්වරුන්ගෙන් ඉල්ලා තිබේ