ඉදිරි වසර හතර තුළ ඉන්දියාවේ ගුවන් තොටුපළ ගුවන් තොටුපළ සංඛ්‍යාව 200 දක්වා වැඩි කිරීමට සැලසුම් කර ඇති බව වාර්තා වේ.
ඉන්දීය ගුවන් සේවා අමාත්‍ය ජෝතිරාදිත්‍ය සින්දියා ප්‍රකාශ කරන්නේ දැනට පවතින 141 ක් වන ගුවන් තොටුපළ සංඛ්‍යාව 2025-2026 වන විට 200 දක්වා වැඩි කරන බවයි.
එහිදී ඉන්දීය රුපියල් කෝටි 98,000 ක් වැය කිරීමට අපේක්ෂිත අතර ඉන් රුපියල් කෝටි 22,000 ක් දැනට පවතින ගුවන් තොටුපලවල පර්යන්ත සහ අනෙකුත් යටිතල පහසුකම් ගොඩනැගීම සඳහා ඉන්දීය රජයේ ගුවන් තොටුපල අධිකාරිය විසින් වියදම් කිරීමට නියමිතය.
භාරතීය ජනතා පක්ෂ ආණ්ඩු යටතේ පසුගිය වසර 8 තුළ නව ගුවන් තොටුපළ 67ක් ඉදිකර ඇති බව ද අමාත්‍යවරයා මෙහිදී පැවසීය.
කොවිඩ් වසංගතයෙන් පසු ගුවන් ගමන් ඉල්ලුම ඉහළ ගොස් ඇති බවත් , 2019-20 දී ඉන්දියාව මගීන් මිලියන 144 ක් හසුරුවා ඇති බවත් 2025-26 දී එය මිලියන 400 දක්වා ඉහළ යනු ඇතැයි අපේක්ෂා කරන බවත් අමාත්‍යවරයා වැඩිදුරටත් සදහන් කළේය.
